أطلقت الراقصة المصرية والمثيرة للجدل دوما ” سما المصري ” رسالة مؤثرة ووجهتها للفنان المصرى أيضاً ” محمد رمضان ” بعد ما قام به من إستعراض لسياراته الفارهة ، وقد نقلت تلك الرسالة عبر انستجرام الخاص بها على موقع التواصل الاجتماعى .
وفى التفاصيل فى هذا الموضوع فقد نشرت “سما” صورة لمحمد رمضان وكتبت عليها قائلة:” بص يا محمد انت نجم ونجم كبير مش صغير والناس بتحبك عشان انت فعلا تعبت والشباب نفسها تبقي ذيك في كفاحك ونجوميتك وجمهورك من الغلابه اللي شايفينك قدوه ليهم بلاش تجرح مشاعر الغلابه دول بتصويرك كل شويه للعربيات اللي عندك”.
وتابعت:” ربنا يديك اكتر واكتر عربيات وفيلل وكل حاجه حلوه انت تعبت وتستاهل بس راعي ظروف الشباب الغلبان اللي بيحبك انهم يا عيني ظروفهم مش مساعداهم انهم حتي يتجوزوا بسبب ظروف البلد.خليك دايما واحد منهم حته منهم ذي ما هم شايفينك دايما يا سيدي داري علي شمعتك تقيد”.
وأضافت:” في ناس بتحقد كتير وعينها وحشه والناس التانيه غلابه ونفسهم في لقمه عيش حاف خاف علي مشاعرهم شويه انا عارفه انك تتمني لكل الناس الخير وبتحب جمهورك ومش قصدك تجرحه بس الغلابه ما بيحسبوهاش كده”.
وتابعت:” خليك دايما عندهم اسطورة بفنك مش اسطورة بعربياتك انت جدع وابن بلد وربنا هيديك من خيره اكتر واكتر بس خلي بالك من الغلابه وظروفهم والشباب التعبانة اللي نفسها تفرح ومش عارفه.ربنا معاك”.
المصدر : وكالات
The post الراقصة سما المصرى توجه رسالة مؤثرة للفنان محمد رمضان appeared first on ايجي سعودية.
اضف تعليق