دشنت المضيفات الجويات حملة على مواقع التواصل الاجتماعى للدفاع عن أنفسهن من استظراف بعض الركاب وظلم البعض الآخر لهن والتى تطورت الأمور فيها إلى محاضر وإلغاء سفر.
وقالت مصادر مطلعة بالنقابة العامة للضيافة الجوية، إن المضيفات الجويات على كل رحلة يواجهن مشاكل عديدة من الركاب تتراوح بين الاستظراف والتجهم والسب والتعدى بالضرب فى بعض الحالات؛ لذلك حرصت النقابة العامة للضيافة الجوية برئاسة “أسامة عبدالباسط” على تدعيم الحملة التى بدأتها الزميلة “شيماء الجيلانى”، وتتضمن الظروف التى تمثل عدم امتثال الراكب لتعليمات الضيافة الجوية.
بدأت الحملة بالتالى: “عزيزي الراكب علشان تبطل تشتكى من أن المضيفات بيكشروا فى وشك تأكد من التالى:
إن حضرتك مستظرفتش وهى بترحب بيك فى بداية الرحلة.. هى مش بتبتسم إعجاب بحضرتك أبسلوتلى دى قواعد شغل.. اتأكد حضرتك إن رقم الكرسى بتاعك على الحرف وأنت ماوقفتش تزعق وتتنطط علشان مصر تقعد جنب الشباك دى مش شغلتها خالص.. اتأكد أيضا إنك ربطت حزام الأمان ورفعت ظهر الكرسي وفتحت الشباك من غير ماتشاغب ولا تستظرف.. اتأكد أنها أما قالت لك لحمة ولا فراخ حضرتك مفضلتش سايب السماعة في ودنك وسايبها تهاتى مع نفسها ولما رديت قولت لها عاوز سمك!.. اتأكد أنك ماقعدتش دقائق تعزم على اللى جنبك يأكل لحمة ولا فراخ وهى وقتها محسوب.. ياريت تتأكد أكتر أنك ماطرقعتش بصوابعك ولا بسبست وانت بتنادى عليها.. وياريت وهى بتأخد منك الأكل اتأكد أنك مستظرفتش وقولت لها طبيخك حلو.. ياريت تتأكد إنك ملمتش كل الصوانى بتاعت الصف بتاعك وحطتهم على بعض وسلمتها للمضيفة مرة واحدة.. وياريت تتأكد أن أول ما الطيارة وصلت حضرتك ماوقفتش ونزلت الشنط وسط نداءات متتالية اتفضل يافندم اقعد مكانك كدا خطر.
وياريت وحضرتك بتنزل من الطيارة ما تحاولشى تسيب رقم تليفونك هى المرة دي بتودعك بابتسامة معناها حسبى الله ونعم الوكيل.
رب امنح كل مضيفة الصبر والقوة لتحمل ذلك الراكب الكيوت الذى عمل كل اللى فات ونازل بيقول: المضيفة كانت مكشرة.
شكرا لمتابعتكم تقرير عن المضيفات الجويات يدشنّ حملة “عزيزي الراكب علشان تبطل تشتكي” في شام برس – آخر المستجدات و الأخبار على مدار الساعة 24/7 ونحيطكم علما بان محتوي هذا التقرير تم كتابته بواسطة محرري الأخبار ولا يعبر اطلاقا عن وجهة نظر شام برس وانما تم نقله بالكامل كما هو، ويمكنك قراءة الخبر من المصدر الاساسي له من الرابط التالي مع اطيب التحيات.
The post المضيفات الجويات يدشنّ حملة “عزيزي الراكب علشان تبطل تشتكي” appeared first on أخبار العالم على مدار الساعة 24/7.
اضف تعليق