الكثير من الشخصيات الشهيرة والفنانين يشاركون الجماهير والشارع المصري في أغلب الأحداث الشائكة التي يمر بها المواطن المصري وينشرون تعليقاتهم عبر صفاحتهم الشخصية نظرا لوجود شعبية كبيرة لهم ويكون لهم تأثير في بعض الأحيان على أراء المشاهدين خاصة الفنانين.
ومنذ إعلان الحكومة أمس الخميس برفع أسعار الوقود إنقسمت الأراء بين مؤيد ومعارض علما بأن المعارض أكثر حيث رأى البعض أن القرار يزيد من العبأ على الفقراء ومحدودي الدخل في ظل ظروف صعبة تعاني منها الإسر المصرية وزيادة أسعار الوقود تعطي الفرصة للتجار في الأسواق المصرية لرفع أسعار السلع والمستلزمات المعيشية خاصة المستوردة والبعض الأخر يرى أنه من الضرروي أن يتحمل الشعب تكلفة الإصلاح الإقتصادي الذي يسعى اليه الرئيس “عبد الفتاح السيسي” ووعد به المصريين من أجل وضع مصر في مكانها الطبيعي بين أكبر الدول.
وكانت من بين هذة التعليقات رسالة من الفنانة “بدرية طلبة” التي حرصت على مساندة الرئيس عقب الإعلان عن ارتفاع أسعار الوقود عبر صفحتها الشخصية على موقع الاجتماعي “فيس بوك” حيث بدأت حديثها بالرد على شخص وصفها بالتطبيل للحكومة والرئيس لترد عليه قائلة أنها لا تخاف من رئيس ولا غيره وهي لا تعرف التطبيل لأنها مع الله ومن الآخرولا رئيس دولة حيفتح لى بيتى ولا حينفعنى يوم الحساب قدام اللى خلقنا واليكم رسالة مطولة من بدرية طلبه.
نص الرسالة.
«ردًا على الأستاذ اللى دخلى على الخاص انت بعت رسالتك بينى وبينك.. لكن حرد عليك قدام كل الناس في النور وفى العلن أنا لا بطبل لحد ولا أصلا بتهز من مخلوق لأنى من الآخر مع ربنا لا رئيس دولة حيفتح لى بيتى ولا حينفعنى يوم الحساب قدام اللى خلقنا» وأضافت: «كل الحكاية أننا كنا زى الغرقانين المتعلقين في قشاية ورايحين في ستين داهية مع ناس ميعرفوش ربنا وكنا متبهدلين -لا فيه بنزين ولا كهربا كنا بنقف طوابير علشان نحط لتر بنزين وكتير ركنوا عربياتهم علشان مش لاقيين بنزين وساعتها لو كان اللتر بمية جنيه كنا حنشتريه علشان نشوف مصالحنا والنور كان بيتقطع بالساعات ومصالحنا بتتعطل وكنا نتمنى النور ييجى ولو ساعة وندفع فيها دم قلبنا» وتابعت: «كانت أنبوبه البوتاجاز بــ٤٥جنيه واللا أنتوا نسيتوا واللا يمكن كنتوا عايشين في رخاء وإحنا مش واخدين بالنا دا غير الإرهاب.. ولما جه اللى ينقذنا كلنا اتشعلقنا على كتفه واترمينا في حضنه والحقنا ياجيـــش !!! وكلنا معاك وفعلا كان قد المسئولية وكان قد كلمته وأنقذنا عارف أنقذنا من إيه من إننا كان زمنا دلوقتي في خيم اللاجئين وكان زمانى أنا ومراتك وبنتك وأختك بنخدم في حاجة هما اخترعوها اسمها جهاد النكاح عارفه واللا تحب أشـــــرحلك» وأوضحت بدرية: «كل المعاناة شوفناها وتحملناها غصب عننا وكنا مذلولين حضرتك بقى عايزنى آجى دلوقتى وأقول على الرئيس اللى شالها خربانة واتحمل كل البهدلة دى وأتهمه ؟؟؟ ياراجل عيب عليك دا حتى المثل بيقول اللى مالوش كبير بيشتريله كبير… وأنا اخترته كبيـــرى أهينه ليه لأسباب ملهوش دخل بيها ؟؟؟؟؟ أهينه ليه وهو بيعمل المستحيـــل علشانا؟؟؟؟ هو أنتوا ليه محسسنى أنه بيكوش وبيحط في خزنة بيتـــه» واختتمت: «كل واحد حر في اختياره وفى رأيه.. مانا ساكتة علشان اللى بيستظرفوا وبيقلوا في أدبهم اللى مفكرنا بناكل في أتة محلولة ومش حاسين بالناس !!! لا ياحبيبى أنا زيي زي كل الناس بالظبط أنا الحمدلله قعدة في بيتى لا روحت صيفت في مالديف ولا اليونان ولا إيطاليا!! أنا بنت بلد وحاسة بالغلابة قوى علشان محدش بس يصطاد في المية العكرة… ومن الآخر طالما اخترته لازم أفضل معاه ومع دماغه للآخر وبردو أنا حرة.. أنا عن نفسى حستحمل وآجى على نفسى علشان البلد يتصلح حالها وواثقة في دماغه لأن من الآخر اللى يقدر يعمل كده مع الإخوان ويعيشنا في أمان بعيد عنهم أنا أثق فيه لكن ممكن ميجيش على هواكم ولا على دماغكم اللى لسه عايزنها إسلامية متطرفة مش كده واللا إيه وبقول للى مش عاجبه كلامى يحذفنى.. ياريت شوية ديمقراطية وكل واحد حر في رأيه علشان نعرف نعيش…».
شكرا لمتابعتكم تقرير عن رسالة من الفنانة بدرية طلبة للرئيس السيسي بعد ارتفاع أسعار الوقود في شام برس – آخر المستجدات و الأخبار على مدار الساعة 24/7 ونحيطكم علما بان محتوي هذا التقرير تم كتابته بواسطة محرري الأخبار ولا يعبر اطلاقا عن وجهة نظر شام برس وانما تم نقله بالكامل كما هو، ويمكنك قراءة الخبر من المصدر الاساسي له من الرابط التالي مع اطيب التحيات.
The post رسالة من الفنانة بدرية طلبة للرئيس السيسي بعد ارتفاع أسعار الوقود appeared first on أخبار العالم على مدار الساعة 24/7.
اضف تعليق